हेर्नुहोस भिडियो  

कुराको क्रममा उनका पूर्व प्रेमी सुदर्शन थापाको निर्देशनमा बनेको चलचित्र ‘प्रेमगीत’ र उनको चलचित्र ‘चलेछ बतास सुस्तरी’को पनि कुरा निस्कियो । उनले सुदर्शनलाई नेपालको यश चोपडा नै भनिदिइन् । प्रतिस्पर्धा हुनु राम्रो हो भन्दै सुष्माले सुदर्शनसँग काम गर्ने कुनै सोच अहिले नभएको खुलाइन् । सुष्माले भनिन्-‘ राम्रो ब्यानरमा काम गरिरहेकी छु । नयाँ-नयाँ मानिसको टेष्ट लिनुपर्छ । यसैले म नयाँ नयाँ निर्देशकसँग काम गरिरहेकी छु ।’ 

उनले अर्को कुरा पनि खुलाइन्-‘यहाँ एउटा हिरोइन ६ वटा प्रेमी बनाउछन् र आफू खुल्ला किताब भएको बताउँछन् ।’ उनले सुदर्शन र निरनसँग प्रेम गर्नु भूल भएको स्विकारिन् । करिअरलाई अगाडि बढाउन छाडेर प्रेम गर्दा समय बर्बाद भएको उनको भनाई थियो । आफूले जोसँग प्रेम गर्‍यो, उसैसँग बिहे होस् भन्ने चाहेको सुष्माको भनाई थियो । तर, प्रेमिका हुँदै हुँदै बाहिर अर्को केटी च्याप्नेहरु धेरै भएको सुष्माको भनाई थियो । असमझादारीका कारण आफ्नो प्रेम असफल भएको उनले खुलाइन् । अबको समय चलचित्र करिअरमा नै बिताउने र राम्रा चलचित्र मात्र गर्ने उनको भनाई छ । सुष्माले तेश्रो प्रेमी नभेटेको भन्दै अब जो आफ्नो जीवनमा आउँछ, उसैसँग बिहे होस् भन्ने चाहेको बताइन् ।